奇妙電視《天下第一Friend》
胡杏兒自爆兩個迷失期 笑談胡說八道會
胡杏兒接受好友鄭紹康為奇妙電視主持的「天下第一Friend」節目訪問,娓娓而談當年被冠上「胡冏冏」綽號的心路歷程,杏兒大方說:「咁我真係喊得唔靚呀嘛,人地話得你實有原因既,咁我咪檢討下囉!」

杏兒直言沒有為綽號而生氣,反而視為檢討的動力,說到事業發展,她自爆曾經有兩個迷失期,她說:「第一個迷失期係剛開始一直做鄰家女孩角色,我諗過自己究竟有無機會做主角呢?第二個迷失期係好多劇拍既時候,拍到天昏地暗,我覺得自己好似一部機器,無時間去諗點樣可以做得更好!」慶幸當時杏兒遇上劉松仁,她感恩說:「松哥教左我好多化解迷失既方法,我真係好感激佢!」

後來當杏兒遇上同樣迷失的胡定欣時,及時伸出援手,還因而成為好朋友。杏兒笑道:「我同定欣、胡倍蔚,因為都姓胡,所以成立左胡說八道會,黃智雯、姚芷羚同李施樺係後來加入既!」李施樺是杏兒老公李乘德的前度女友,對於這位好姊妹,杏兒落落大方說:「都已經係過左去既事!」正如已是「過去式」的黃宗澤,有時都會被提起。杏兒坦言曾邀請Bosco出席婚禮,可惜當時Bosco丁父憂,未有到賀。

現時杏兒已是幸福人妻,對於夫妻相處之道,她說最緊要是互相尊重,包括工作上也要顧及對方感受。杏兒自爆趣事說:「有次佢問我會唔會做「色戒」裡面湯唯個角色,我傻更更諗都唔諗就答佢會,佢聽完唔開心左好耐!」杏兒指老公雖然在外國長大,但思想傳統,她續謂:「佢知我成日去荒山野嶺拍戲,特登去買塊玉畀我護身,有次見我無戴,佢又嬲嬲豬左!」顧慮到老公的感受,杏兒笑謂現時拍戲,性感或接吻戲一概免問。