奇妙電視《同sing同戲》
新戲與貓做對手戲 古天樂:同動物就真係難!
動物與小孩向被視為拍戲的兩大難題,古天樂在新戲「喵星人」中既要與貓做對手戲,還有個小女兒劉楚恬,日前他和導演陳木勝接受奇妙電視「同sing同戲」節目主持詹可琳訪問時,對於兩大難題如何拆解,古仔不以為意說:「同小朋友做戲,我向來都唔覺得難,反而同動物就真係難!」古仔指若是懂聽指令的狗仔,難度相對較低,但新戲主角是貓咪,就必須要用特技去處理。

「外星貓」是古仔忽發奇想出來的主意,他解釋是因為現實生活中,發覺貓的感染力真的好大,他笑道:「拍戲時每次有真貓戲份,阿女(劉楚恬)都好興奮咁撲過去同佢地玩!」說到劉楚恬,古仔指笑她是個吃貨說:「佢真係好為食,睇少眼都唔得!拍左2個禮拜之嘛,已經肥左成個碼,幾乎連唔到戲,所以之後都唔敢畀佢食咁多!」問他經此一役,還敢不敢開動物與小孩的戲?古仔無有怕說:「可能下次開喵星人大戰汪星人!」

陳木勝表示:「有場戲我地用左50隻貓去捕捉佢地既臉部表情,工作人員不斷扮古靈精怪表情去吸引佢地注意,搞到個個好似傻佬咁,果場戲終於拍左3日先完成!」陳木勝拍慣動作戲,首次執導科幻喜劇片,他笑言有喜出望外的感覺說:「動作片經過設計,結果係預計得到既,同拍呢部戲真係好大分別!」