奇妙電視《同sing同戲》
沈震軒自辯感情遲鈍常食檸檬 與金牌經理人Paco關係微妙
沈震軒(Sammy)亮相奇妙電視「同sing同戲」節目接受主持鍾煒喬(Matt)訪問,對於形象花弗之說,Sammy反撀說:「邊有咁多溝女王呀!我在感情方面其實好遲鈍,食檸檬就多,真拍拖,咁耐都係得2次!」

Sammy希望新歌能為個人形象來個大平反,他說:「希望外間唔好畀電影「喜愛夜蒲」個角色誤會左我囉!」Sammy承認以前做電視比較入屋,起初接拍「喜愛夜蒲」都備受非議,他笑道:「我性格比較變態,鍾意將人地覺得錯既野扭返岩,又鍾意將自己逼埋去死角度,等自己唔使諗咁多!」

Matt問他是否因為簽約金牌經理人黃柏高(Paco)而得罪舊東家遭投閒置散,還是因為簽約黃柏高促使他決意離開舊東家?Sammy屈指一數說:「其實我每10年就會有1個大轉變,離開comfort zone!所以在無綫第9年,我已經開始諗第10年要點樣發展,然後就遇上伯樂Paco!」

說到和Paco的微妙關係,Sammy笑道:「有次我去睇演唱會,Paco走埋來問我想唔想出唱片。我心諗:係咪吹水呀?我來睇騷,你叫我出唱片?原來之前Paco在1個兒童節目見到我唱歌,覺得我唱得好,所以已經諗緊簽我,真係估唔到佢會睇1個周末早上播出既兒童節目囉!」