奇妙電視《無恐不入》
梁佩瑚邀胞弟焯皓做嘉賓 篤爆佢有強逼症
梁佩瑚(Bell)邀胞弟焯皓亮相她為奇妙電視主持的「無恐不入」節目擔任嘉賓,今次是兩姊弟首次現身電視節目,Bell愛弟情切特登和焯皓同座,卻弄得焯皓一臉尷尬,被兩位拍檔歐錦棠和鍾煒喬取笑說:「你係咪患左梁佩瑚恐懼症呀?」

焯皓承認本身確實有多種恐懼症,他稱:「我向來好驚腸粉,最近就好驚女人!」Bell聞言即時追問原因,焯皓解釋:「早前搭巴士,遇到個體味好臭的女人,臭到想嘔!之後就好驚女人,連在中環見到穿黑絲的女人,都不期然會想起果陣臭味,遲下唔知會唔會鍾意男人!」

Bell煞是擔心地說:「情緒病有可能影響生命,有問題就睇醫生啦!」Bell續指焯皓還有強逼症說:「去襯佢屋企都唔敢亂掂野,因為佢將所有野放到井井有條,連remote都要擺同一個方向,唔亂得!」Bell笑謂有次叫工人姐姐幫焯皓執屋,執完卻被焯皓埋怨多時。

焯皓解釋說:「工人姐姐幫我啲figure掃塵,掃完搞亂左佢地啲甫士!」同樣熱愛figure的歐錦棠聞言好有同感,加把口怪罪Bell說:「你做乜搞人figure啫,figure唔搞得架!」鍾煒喬醒目地即刻轉話題說:「根據經驗呢個話題,佢地可以講10個鐘,我地都係言歸正傳!」