奇妙電視《吾男吾女》
吳日言指婚姻不可靠 Kellyjacky對婚姻依然憧憬
已是幸福人妻的吳日言(Yan),日前和林芊妤、樓南光主持奇妙電視「吾男吾女」節目時,出奇地對婚姻持反對意見,直指婚姻不可靠,令人頓感愕然,還以為她和老公發生問題,Yan否認道:「只係我爸爸、媽媽離左婚,令我覺得婚姻唔可靠,就算結左婚有一紙婚書,都唔代表唔會離異,亦唔代表就會婚姻美滿!」

經歷過婚姻失敗的樓南光,對Yan的說法拍手附和,他補充說:「婚姻制度本身係無問題架,唔係婚姻唔穩陣,係人性唔穩陣,所以我成日叫人唔好結婚!」Coffee未有被二人動搖結婚的打算說:「我一定會結婚!不過我唔會為結婚而結婚,要等搵到合適既人先結婚,就算40歲先搵到,就等40歲先結,無問題架!」

嘉賓Kellyjacky向以結婚為人生目標,不過因為身邊太多朋友婚姻不如意,她笑言已自我調節了對婚姻的理念,她說:「不過我對婚姻依然充滿憧憬!」她還和三位主持玩心理測試,結果Kellyjacky以99%勝出,結果顯示她是好重視家庭的人。Yan果然以10%包尾,樓南光抵死地對Yan說:「睇你好得幾耐!都係果句,引以為鑑,對老公好啲啦!」