奇妙電視《天下第一Friend》
周汶錡常被指整容甚至隆胸 笑答:幾時有見我澎湃過呀?
周汶錡(Kathy)因外貌和妹妹周麗淇(Niki)大相逕庭而常被指整容,日前Kathy接受好友鄭紹康為奇妙電視主持的「天下第一Friend」節目訪問,對整容傳聞她笑不攏嘴說:「傳左好耐啦,言論自由呀嘛,人地講咩影響唔到我,夠有人話我隆胸啦,咁耐,你幾時有見我澎湃過呀?」

感情路上兩姊妹際遇亦有別,Kathy已是幸福人妻,Niki卻還未有所屬,鄭紹康問Kathy有無替妹妹心急?她誇張地笑道:「急到屎呀!希望佢快啲搵到真命天子嫁左去啦,不過呢種事急唔來既,可能佢工作忙,無時間識人,又或者佢識太多人,未揀定,係咁就叫佢唔好太揀擇啦!」

Kathy指Niki現時在國內發展不俗,所以亦有提議Nikki說:「我叫佢唔好花時間去唱歌,拍劇比較岩佢,無論做傻大姐或者搞笑、慘情角色,佢都掌握得好好!」Kathy並特別補充一句:「其實佢唱歌都好聽既,哈哈!每個人都有適合佢做既野,Niki岩拍劇,我就岩做模特兒!」

Kathy有「香港第一模」之稱,和「台灣第一模」林志玲更曾傳出過「名模大戰」,Kathy對此不以為意說:「我去台灣發展嗰陣,Chiling已經好紅架啦!」她並指笑鄭紹康說:「你可以係天下第一friend,我都可以係天下第一模架,一個稱呼無所謂啦!」