奇妙電視《無恐不入》
董敏莉抵抗力差又唔肯打流感針 梁佩瑚受罰食雞子直認係專家
董敏莉(Monie)亮相奇妙電視「無恐不入」節目,和主持歐錦棠、梁佩瑚和鍾煒喬探討傳染病問題,Monie不諱言本身抵抗力差,是坐低起身見頭暈的朋友,故每到傳染病高峰期,都會特別提高自己的免疫力以免中招。

歐錦棠提議Monie可預先接受流感針注射?她推搪說:「好似有啲醫生叫人唔好打架嘛?」鍾煒喬(Matt)聞言即謂:「我唔使打流感針,因為早年中過豬流感!」他本以為自爆中招會引起大家的關心,不料卻遭梁佩瑚耻笑說:「你根本就係一隻豬!」

Monie和Matt在節目尾須接受食牛鞭和雞子大懲罰,歐錦棠偷笑道:「食雞子,梁佩瑚係專家!」梁佩瑚直認不諱,並慫恿Monie快品嘗,Monie吃完露出難吃表情,抵死地催促Matt快吃牛鞭:「補呀,快啲食啦!」Matt回敬說:「咁補,打包畀你老公呀!」令全場大笑不已。