奇妙電視《吾男吾女》
Coffee自爆曾被要求拍床照 呼籲女生要學懂「say no」
林芊妤(Coffee)為奇妙電視主持「吾男吾女」節目,自爆曾經被男朋友要求拍床照,她直斥對方的要求好錯說:「雖然當時我有著屋企衫,無著內衣,但佢有呢個要求真係太奇怪!」最後Coffee當然未有首肯拍照,她並呼籲其它女生要學懂保護自己「say no」。

節目主持之一的樓南光反駁Coffee說:「可能對方想影低你最靚果刻啫,我都成日畀大陸果個18歲女朋友影裸照啦,佢影來想提醒我減肥!」樓南光自嘲肚腩大,光脫脫躺在床上,同豬無分別,並笑道:「我唔驚D裸照流出去,成隻豬咁,都唔會有人信係人來啦!」

Coffee和樓南光不但在床照問題上意見分岐,對是否保留前度的物品也持相反意見。Coffee坦白說:「我係唔會食回頭草既人,諗返同前度一齊都會嘔心,絕對唔會保留任何物品,好似當年分手,我都擲返隻求婚戒子畀對方!」

樓南光又表示反對說:「我大陸果個18歲女朋友都有保留佢前度張床上裸照啦,張床仲係我依家同佢訓緊果張添,so what!唔好畀過去既野影響依家既關係嘛!」

至於主持吳日言(Yan)和嘉賓梁雨恩(Cathy)對拍床上都持反對態度,Cathy自言好早已加入娛樂圈,故從來都有好強的自我保護意識;而Yan則謂知道有女性朋友被男朋友以床照作威脅,故知道做女生一定要懂得保護自己。