奇妙電視《吾男吾女》
趙頌茹自認男人性格 測試對伴侶尊重指數得分最低
趙頌茹(Yu)亮相奇妙電視「吾男吾女」節目,和主持林芊妤(Coffee)、吳日言(Yan)、樓南光探討「網上放閃」行為,阿Yu自認男人性格說:「我心底裡係個男人,無論咩事,收花又好,食飯又好,自己知得啦,唔使公開!」

時下的年青人動輒在網上公開私情,阿Yu最怕是「狼來了」的行為,她說:「有朋友在社交網上大吐和另一半既苦水,嚇到大家以為佢出左事,第一時間表示關心時,原來佢兩個已經和好如初,下次真分手,恐怕就無人理了!」

節目中阿Yu和三位主持玩心理遊戲,測試對伴侶的尊重指數,結果阿Yu得分最低,她解釋說:「唔聽對方講野,唔代表唔尊重既,我又唔係爆佢弱點出來!」樓南光連忙為她解圍:「認真便輸了,遊戲而已!」

Yan自爆老公因在網上公開和她的合照,結果兩口子吵起來,Yan笑道:「佢無P圖呀,搞到我好肥,佢都唔明,做我地呢行,保護形象好重要架嘛!」Coffee則說男友從不喜歡更新社交平台,恰恰和她相反,搞到她自覺好異類。