奇妙電視《天下第一Friend》
琦琦與馬詩慧遊主題樂園變「小學雞」 兩位超模食盡街邊小吃
天橋上性感、冷艷的琦琦和馬詩慧應好友鄭紹康邀請,為奇妙電視「天下第一Friend」節目暢遊主題樂園,兩位超模即時化身「小學雞」,走遍園內大小攤位,還嘗盡街邊小吃,玩得不亦樂乎,馬詩慧開懷笑道:「做女果陣就係咁玩!」

琦琦和馬詩慧分別下嫁任達華和王敏德,是圈中公認的模範夫妻,雖然二人外表cool爆,但訪問時卻笑話百出。琦琦指著馬詩慧笑道:「做騷果陣,佢既眼神真係殺得死人,但一開聲講野,就畀佢笑到肚痛!」

被問到有無因為老公太靚仔而有所擔心?琦琦淡定地說:「Simon(任達華)好專一架,佢去襯邊度都會影相畀我睇!」馬詩慧搭嘴說:「岩睇先畀你睇,唔岩睇的唔會畀你睇!」琦琦聞言反擊道:「果個係你老公!」

馬詩慧不諱言任達華真的是百分百好老公:「好到我要搵窿捐!不過我都同Michael(王敏德)講:如果有日你去左第個女人度,係你既損失!」話雖如是,馬詩慧都大讚王敏德好浪漫、好有夢想,對子女非常好,也算是個好老公。

鄭紹康問琦琦和馬詩慧有無因為「明星老公效應」而多了工作機會?琦琦不認同說:「佢識我果陣,我已經好紅了喎!」馬詩慧笑著制止她說:「你謙少少啦!」但又衝著鄭紹康反問:「點解你唔問佢地有無因為我地而多左同fashion有關既工作?」兩位靚媽一人一語,搞到鄭紹康幾乎無法招架。