奇妙電視《同sing同戲》
林敏驄填詞三十年作品無數 舊歌調轉來播都仲記得
林敏驄日前為奇妙電視「同Sing同戲」節目錄影,並接受主持詹可琳(Kimmi)大測試,Kimmi將他的作品調轉來播,以考其記性,結果竟難不倒他,當聽到譚詠麟唱「幻影」時,阿驄更抵死地笑道:「蘇聯文來架,呢個唱到咁衰既?」

阿驄寫的情歌句句到肉,被問是否個人經歷?他無厘正經謂:「係架,每寫一首歌都要談一次情,好似執藥咁執返劑!」填詞三十年作品無數,問他選歌是否好難?阿驄承認自己想唱side track歌,但嘉賓歌手就想唱最hit歌,好難取捨。

阿驄續笑道:「依家d歌手因為咁打起上來啦,草蜢三個就互斬緊;梁漢文同劉浩龍又追殺緊鄭伊健,鄭中基同古巨基就係廁所片緊。。。」Kimmi認真問:「佢地都會來做你嘉賓?」

阿驄這才不敢亂說道:「佢地咁多人都唔夠關淑怡1個打,關淑怡打到佢地趴晒係度啦,所以最後關淑怡會來做我嘉賓,哈哈!」