奇妙電視《杜汶澤食住上》
杜汶澤為節目碌盡人情卡 出動多位好友亮相
阿澤自認麻煩 被拍檔指控愛玩爆肚
奇妙電視飲食節目「杜汶澤食住上」日前煞科,阿澤坦言完成節目後要開始還人情債,好在其中有的債是互還的。他舉例說:「好似薛凱琪,之前我幫佢影海報,影完佢問我收幾錢,我話:講呢D既咩我地?轉個頭我即刻請左佢來做嘉賓!」阿澤模仿阿Fi語氣笑道:「佢話oh my god,我都知你無咁好人架啦!」

阿澤為節目碌盡人情卡,出動多位好友亮相,包括鄭中基、林海峰和鄧麗欣等,被問到哪位嘉賓最難控制?阿澤想想說:「都應該係我架啦,我出名麻煩呀嘛,睇報紙雜誌都知啦,哈哈!」一旁的盧頌恩和鄺芷凡踢爆阿澤幾乎從不跟稿說:「佢日日都係度玩爆肚!」

對於兩位拍檔的「指控」,阿澤不以為意:「在我搞笑生涯中,最幸運是遇著你兩位架啦,試問人世間仲邊有可能搵到兩個同自己差咁遠既人呀?先唔講智商,智商就梗係我最低啦,但飲食知識,佢兩個貧乏到哩!」阿澤比喻說:「如果我係萬宜水庫,佢兩個就係撒哈拉沙漠!」