奇妙電視《帶阿媽去旅行》
李司棋與女兒首次拍真人騷遊九州
兩母女曾爭取一同生活 重建關係學懂珍惜
奇妙電視將於5月14日開台,適逢母親節,《帶阿媽去旅行》打響頭炮。首集,李司棋首次與女兒葉子青遊九州,子青帶著媽媽出海捕蠔、挑戰遊戲機舖和棒球場等,更會剖白兩母女由疏離至重建關係的經歷。

葉子青:「李司棋不是成功的媽媽。」
李司棋曾因移民、離婚與女兒釀成誤會,沒來往七年。今次是兩母女「等待了四十三年的旅程」,子青在節目中剖白當年的感受,「李司棋可能係好多媽媽嘅偶像,但其實佢唔係一個成功嘅媽媽。當佢選擇咗事業,要犧牲嘅就係女女。我記得細個時佢唔係成日喺屋企,如果佢上午喺度,我就要靜靜哋,因為佢可能係拍完通宵劇返嚟休息。」重提當年事件,司棋姐只感無奈,「子青當時完全誤解咗成件事,佢覺得反正我成日都唔喺佢身邊,爸爸要離婚係好事,但佢唔明白家庭嘅重要性。佢畀佢爸爸嘅講法說服,當時我真係好hurt。」

珍惜相聚時光 曾力挽一同生活
二人後來消除誤會,今次在旅途上猶如兩姊妹,子青更特意在當地尋找母親喜愛的浴衣送給她。當年的隔膜早已消失,不過司棋姐對這一切還是珍而重之,更不惜作出螢幕上的犧牲,「賣大包」與女兒一同浸溫泉!「曾經同子青分開過,明白同佢相聚唔係必然,就算一餐飯都會珍惜。」早年司棋姐患上子宮頸癌,子青立刻回港照顧媽媽,可是最後還是選擇返加拿大生活,司棋姐表示:「我試過叫佢留低,但佢當時要結婚,所以我都支持佢返去加拿大。我一直想我哋喺同一個地方生活,大家住喺隔離屋,可以成日見面、一齊食飯。」

不過問子青婚姻 望女兒有人錫
子青跟媽媽的性格十分相似,可惜連婚姻的經歷也一樣。當得知子青第二次婚姻失敗時,司棋姐反而採取不問政策,「因為我了解佢,所以唔會去煩佢。做媽媽有一種藝術,就係唔好令仔女討厭你,唔好問佢嘢問到令佢尷尬。」問到對子青的期望,司棋姐直言:「我諗世上所有媽媽都同我一樣,希望自己個女有人錫、有人愛。我希望個女快啲搵到個伴,可以牽手一齊到老,咁我就會好安慰。」