奇妙電視藝人拍攝全新造型照
集時尚型格於一身 盡顯個人魅力
奇妙電視將於五月十四日啟播,最近除了密鑼緊鼓拍攝電視劇和綜藝娛樂節目外,更安排一眾旗下藝人拍攝全新造型照。當中包括幾位飲食節目主持,包括黃芳雯(Paula)、李麗珊(Lisa)、鄧曉霖(Rosina)、張殷慈(Daisy)及霍嘉恩(Gracey)。剛剛在三月誕下男嬰的Paula表示:「因為拍攝時我大住肚,公司好好呀,安排我係中午拍攝,等我可以多啲時間休息。今次兩個造型都係高貴大方,條裙好顯瘦,著咗都唔覺我大肚,希望我生完之後可以著返同一條裙再影多次啦。」另一位主持Lisa平時衣著保守,但今次就突破自己以型格性感造型示人,Lisa表示:「我今年會推出個人Hi-Fi碟,最近都係忙住去錄音,當中有翻唱陳百強同梅艷芳嘅歌曲,希望樂迷會鍾意啦。」至於三位飲食主持Rosina、Daisy及Gracey平日最叻講飲講食,她們都期待在奇妙電視可以介紹更多衣食住行資訊給觀眾。

此外,盧頌恩(妹頭)、簡采恩(Joyee)、鄺芷凡(Omi)和李尚正就以時尚造型示人,妹頭話:「其中一個 “wet look” 造型之前未試過,加上條裙有啲低胸,好驚擺甫士會走光,不過好彩攝影師專業指導下,出來嘅相都好靚。」Joyee表示今次拍攝穿上皮外套加All-back頭,走型格路線,發現原來自己型得起。由模特兒轉戰到電視幕前工作的Omi,已經好少拍照,今次重操故業,對Omi來說沒有難度。她更希望新一年可以接觸更多時裝工作。而李尚正就表示最近忙著拍攝奇妙電視節目《放試》 和《香港有寶證》,希望五月與更多觀眾見面。