奇妙電視自製劇《100天》愛情系列開鏡
林耀聲、李靖筠拍拖有經驗
鄭融首部處女劇準備十足 與廖威廉挑戰閃婚
奇妙電視將於5月14日啟播,更會有自製劇集。今天,由一眾年青偶像擔正的《100天》愛情系列正式開鏡,眾演員舉行拜神儀式,期望劇集拍攝順利,並分享拍劇感受。

林耀聲、李靖筠拍拖有經驗 麥子樂未曾用app識女仔
由翁秀蘭監製,林耀聲、李靖筠等人主演的單元《熱戀 100天》講述一段由校園誕生的100天戀愛。林耀聲今次飾演一個優柔寡斷的角色,他坦言:「我同個角色有一半似,平時生活上都係有啲選擇困難。」原來他跟李靖筠已非首次合作,有一定的默契,李靖筠笑言:「我哋之前一齊拍過嘢,培養咗有好『虛』嘅感情。上次我哋飾演自閉人士,仲一齊拍拖,同今次感覺有少少唔同。」麥子樂今次則有豔福,其飾演的角色會被唐貝詩力追,「今次我畀人倒追,感覺好新鮮。裡面有關於喺app識人既劇情,現實生活我就無試過,我見好多朋友都有玩,但點解唔出街識呢?」

鄭融首次拍劇做好準備 廖威廉望練好廣東話
《閃婚 100天》則是鄭融入行以來的首部電視劇,她自言心情既緊張又興奮,「我事前特登上堂學戲,因為未試過拍劇,希望提升演技。之前又有圍讀,令我安心好多,都知道拍劇個節奏會好快,事前一定要做好準備。」她的拍檔廖威廉對能在香港拍劇感開心,「喺劇中我會講少少簡單廣東話,希望可以藉呢次機會練好佢。」他又指會在香港shopping及品嚐美食。吳嘉龍同樣表示期待與鄭融合作,「好期待同Stephanie合作,但又有啲緊張,好忐忑嘅心情,真係好似初戀咁。」