奇妙電視《同Sing同戲》
甄子丹演反派內心掙扎 與劉德華合作獲益良多
王晶透過作品呈現社會黑暗面
由王晶執導,甄子丹主演的電影《追龍》即將公映。最近,兩位接受奇妙電視《同Sing同戲》訪問時,與主持人詹可琳分享合作趣事及對劇本的看法。

甄子丹演反派內心掙扎 與劉德華合作獲益良多
甄子丹向來予人忠直正派的感覺,今次在片中飾演大毒梟是個很大的挑戰。「我拍咗幾十年戲,成日諗有咩方法可提升自己?演員一定要多變,唔可以一直打落去。但同時我另一個身份係爸爸,我希望拍電影可以發放正能量,做反派就有少少背道而馳。所以接呢個角色時內心好掙扎,好矛盾,我同晶哥講只會做一次。」今次更是甄子丹首度與華仔合作,他笑言獲益良多,「難得可以同華仔合作,交流演技,吸收佢嘅演戲智慧同見解,係好享受嘅一件事。」

王晶透過作品呈現社會黑暗面
相比王晶以往的作品,本片的風格較嚴肅。他坦言:「六七十年代係我成長嘅年代,我想呈現英國殖民下腐敗貪婪嘅香港,帶出當年警黑勾結、貪污舞弊嘅情況,係較複雜沉重嘅題材。」他表示今次選角經過深思熟慮,他尤其欣賞甄子丹的可塑性,認為他只要打破心理關口便能把「跛豪」演得有血有肉。