奇妙電視《那些年‧娛樂巴巴閉》
吳耀漢暢談喜劇發展史 希望同周星馳合作拍劇
吳耀漢、田啟文和林超榮打頭陣亮相奇妙電視新節目「那些年‧娛樂巴巴閉」,和三位主持鄭啟泰、翟浩然和Kawaii暢談喜劇發展史,作為「喜劇泰斗」的吳耀漢,原來生平第一部喜劇是和差利卓別靈合作,難怪他的喜感與別不同。

吳耀漢回憶說:「同差利卓別靈合作係67年的事,當時我在英國讀完戲劇,佢剛好自導自演「香港女伯爵」,故事以香港為背景,我有機會參演一個行行企企角色,男女主角分別係馬龍白蘭度同蘇菲亞羅蘭!」難得和差利卓別靈合作,吳耀漢當然從旁偷師。

吳耀漢最令人印象深刻是在電影「五福星」中的全裸演出,無遮無掩坦蕩蕩上陣,被問為何不用膠紙遮蔽私處?他理由十足地說:「咁我係要演全裸戲呀嘛,如果遮左,咪唔係全裸囉?唔係全裸,對手畀的反應就會有偏差,況且都搵唔到咁大張膠紙!」說完全場爆笑,果然係笑匠!

不過吳耀漢心目中的笑匠卻另有其人,他認真地說:「許冠文先係開山祖師,佢老人家對喜劇真係好有研究!洪金寶都好有幽默感,佢最叻係拍喜劇,其次先係動作,所以佢拍的動作喜劇就好好睇!」

周星馳被喻為近代笑匠,田啟文強調周星馳獨創的無厘頭文化,其實是有意思的,他說:「只係你估佢唔到之嘛!其實佢真係有意思架,我地每次度劇本,都好痛苦,就算度好晒,埋位都仲要猜多四個圈,因為佢要求好高!」吳耀漢希望和周星馳合作說:「我想睇下我的演繹方法撞埋周星馳會有咩火花!」