奇妙電視《天下第一Friend》
袁詠儀笑稱恃靚參加選美 但遇上真正靚女唯有改戲路
袁詠儀(靚靚)接受鄭紹康為奇妙電視主持的「天下第一Friend」節目訪問,選美出身的靚靚重提舊事,她快人快語笑道:「參加選美,因為我靚囉!不過入行後見到朱玲玲同李美鳯,嘩,佢地真係靚到不得了,我即刻同自己講:袁詠儀你改戲路啦,仲諗住做靚女,你死梗啦!」

靚靚自認當年年少輕狂,參加選美兼得冠軍和最上鏡小姐後更加恃才傲物,遇上不合理的劇本,竟然直接向監製投訴,不得要領後,又改向傳媒投訴。靚靚自嘲道:「我最錯就係同記者投訴,咁大間公司點容得下我胡言亂語!」鄭紹康問她是否隨即被「照肺」?靚靚笑道:「無照肺,係直接入肉!」

事後她被投閒置散主持音樂節目,靚靚瞪大眼珠說:「我又唔識唱,又唔識歌,連歌手名都唔係好清楚,更加唔鍾意主持節目,所以咪意興蘭珊囉,好在及時有柯受良搵我拍第一部電影。不久靚靚更摘下新人獎,她得戚地說:「演技呢啲野,天生架!」

說到「魔童」有無遺傳她和張智霖的演藝天份?靚靚斬釘截鐵地說:「無,佢啲戲,好屎!基本上我都唔想佢做呢行,因為佢有我同張智霖呢對父母,入行既話肯定會比別人辛苦百倍!」

「魔童」在靚靚眼中,不但有梁朝偉的外表,還有周星馳的性格,靚靚笑道:「佢外表斯文靚仔,性格就風趣幽默,第時肯定好多女仔鍾意!」靚靚兩公婆對魔童教導有方,不過靚靚承認自己也有過做「怪獸家長」的時候,幫魔童的時間表排得密密麻麻,直到有次見家長,靚靚被當頭捧喝!

靚靚說:「嗰次見家長,老師問魔童平時做啲咩,我好勁咁數晒佢星期一至五有咩堂要上,跟住老師問:咁佢玩既時間呢?我聽到呢句說話就好似畀大盆冰水照頭淋,張智霖仲要在旁細細聲話:係啦,我都話左佢架啦,佢係要咁!嗰下我真係想中埋去,不過之後我真係放棄左做怪獸家長!」

不說不知,原來靚靚和張智霖直到近年才告訴魔童他們的職業是演員。靚靚大笑道:「因為有次校長打畀張智霖要求見面,話我地呢個家庭好有問題。原來魔童話畀校長聽爸爸之前做警察,最近就賣壽司,哈哈,所以我地先同學校講清楚我地既職業係演員,而魔童知道我地係演員後,只係問點解唔帶埋佢行紅地氈!」