奇妙電視《杜汶澤食住上》
薛凱琪現身杜汶澤節目撐場
計劃婚後學廚 不敢向阿澤拜師
奇妙電視王牌頭炮,由杜汶澤率領盧頌恩(妹頭)及鄺芷凡(Omi)主持,史上最口沒遮欄的飲食綜藝訪談節目。阿澤會繼續發揮「把口唔收」的性格,邊食邊爆娛樂圈秘聞,盡顯杜汶澤敢言、敢做、敢玩的大無畏精神。今日,阿澤邀請了好友薛凱琪(Fiona)任嘉賓,二人鬥嘴互窒之餘,又盡訴心中情。

二人鬥嘴互窒 阿澤讚薛凱琪心地好
正在籌備演唱會的Fiona特意抽空撐阿澤,更揚言不介意在節目中分享心底話,不過阿澤笑言:「本來我都打算爆佢啲秘密,但佢都知我好多秘密,諗諗下都係唔著數。」二人甫見面就不停互窒,阿澤經常取笑Fiona又蠢又煩,「我忍得佢好辛苦,之前同佢一齊拍戲,佢係都要同我鬥搞笑,真係好煩,好彩佢心地夠好。」Fiona則爆對方為人害羞,「平時佢成日搞笑,你只要一問到佢對太太溫柔體貼嘅一面,佢就會即時口窒窒!」

薛凱琪計劃婚後學廚 不敢向阿澤拜師
Fiona自言嚐過阿澤手勢,更形容他的麵包布丁是全世界最好吃的,但她稱不敢向阿澤請教廚藝,「佢成日嫌我蠢,一定唔肯教我。」阿澤搞笑回應:「我驚我會小李飛刀佢!」Fiona逐解釋:「其實我自己有一個完美嘅計劃,諗住等未來老公睇住我由唔識煮嘢食,到為咗佢去學煮嘢食,學到一手好菜,咁佢一定好感動,所以依家唔會跟阿澤學住。」問到阿澤會否幫Fiona提升廚藝以嫁得出,阿澤即謂:「如果咁樣佢就嫁得出,我即刻過多幾招畀佢!」