奇妙電視《同sing同戲》
林家棟無信心擔任導演 亦唔會定型做奸角
導演葉偉信和林家棟作客奇妙電視「同sing同戲」節目,兩位型男忽發奇想玩身份掉轉,事緣主持詹可琳問家棟會否挑戰做導演,葉偉信可惜地笑對家棟說:「要咁出色既演員做導演,咁唯有請你搵我做演員啦,等我可以重出影圈!」

對於導演崗位,家棟坦言無信心勝任,他說:「做導演壓力太大,雖然我之前都做過監製,但都驚自己有盲點,我都係做返演員啦!」最近家棟和葉偉信合作新戲,家棟的角色須講泰文,他抵死地說:「劇組安排左老師教我泰文,等我可以提早背晒啲對白,但導演就興即場改劇本,雖然改得唔多,不過都唔少囉!」

一直以來家棟都擅演反派或奸角,他無所謂定型說:「劇本係需要忠奸分明既,但人性又往往係觀點與角度,所以我從來唔會定性自己演既係奸角!」對於熱愛電影的家棟而言,最重要的是拍一部好戲。