奇妙電視《天下第一Friend》
陳曉東重聚昔日拍檔 三人淚盈於睫
陳曉東愈來愈靚仔難免被質疑整容,東東作客奇妙電視「天下第一Friend」節目時,被主持鄭紹康親手摸臉驗證「無花無假」,東東沒好氣地說:「好多人以為我塑膠做架添,其實我只係食左少少防腐劑!」

東東對整容傳聞屢聽不鮮,但從沒正面回應,他自言因工作太忙無暇理會,並謂:「整完容唔使時間消腫咩,都入行廿年啦,依家先來搞呢啲?你估我病得好深咩!」至於東東經常被指撞樣,早年被指似梁詠琪,近年則被指似黎諾懿和余迪偉,東東沒所謂地說:「是但啦,我個樣似太多人了!」

東東近年在內地發展得相當好,不過他也試過低潮期,他坦白說:「有部戲,在上海邊皮城市上左3日就落晝,返到屋企,阿爸問我係咪好等錢使,佢講左一句話令我記到依家,佢話:你拍既戲連劉德華啲爛片都不如!我聽完回左一句:你唔畀我中到個jackpot,攞返10倍、百倍回報呀!」

其實當時東東明白父親用的是激將法,希望他早日成大器,只是作為演員,工作上難免被動。東東因為父親的明訓,也有提醒自己:世上無唔好既角色,只有唔好既演員!東東續謂:「以前我拍喊戲,喊唔出,要吞wasabi令自己喊,依家大個左,歷練多左,經驗豐富左,稍為可以揮洒自如!」

鄭紹康為報答東東忙裡偷閒接受專訪,特別安排昔日拍檔陳建穎(Ray)和邱穎欣(Joyce)驚喜現身,舊友聚首,三人竟感觸得淚盈於睫,東東開心地說:「真係好多回憶返晒來!如果有埋Kelly(陳慧琳)咁就齊腳啦!」最後三人合唱當年成名曲「打開天空」。