奇妙電視《天下第一Friend》
陳曉東暢談當年緋聞 直言除了栢芝其他都係假
「東東」陳曉東近年主力在國內發展,日前他返港作客奇妙電視「天下第一Friend」節目,和主持鄭紹康暢談他當年有「緋聞王」之稱,身邊女伴傳個不停,包括梁詠琪、李彩樺、張栢芝,對此東東直言:「除左栢芝,全部都係假既!」

東東自言是個工作起來好專注的人,他說:「做野果陣我會自己落閘唔搞緋聞,所以傳我同呢個、果個,根本無可能!除左栢芝,全部都係假既!仲傳我同經理人酒店密會8小時,好好笑!」最好笑是早年他和媽媽去街,結果傳出被闊太包養,東東沒好氣地說:「係呀,我畀呢個闊太包養左30幾年!」

東東強調自己工作時工作,完成工作才會想其它。他坦白說:「拍完野咪諗下:邊個女仔好,可以約會下!」結果他結識到現任太太,東東形容是緣份,因為當年東奔西走,正好想有1個家。東東說:「我第一次去她家拜會,第二次上她家就提出結婚!」東東不諱言是奉女成婚,雙方家長突然聽到他說結婚都嚇呆了。

東東大女現年3歲,乳名「朵朵」,小女1歲,乳名「多多」,東東得戚地說:「總之英文發音都係dor dor chan(中文諧音多多錢)啦!」談起女兒,東東慈父上身,還拿出手機展示女兒相片。東東自言是個「惡老竇」,希望女兒學會有禮貌,不要因為是「星二代」而有優越感。

東東有感而發說:「睇住小朋友長大,好似重溫緊自己既成長過程!」東東自言從小便喜歡唱歌,他說:「我爸爸都鍾意唱,不過唱得好難聽,因為咁,我做左屋企既駐場歌手,可以10小時留在K房不停唱,最後仲搵埋戴思聰做老師!」

鄭紹康扮驚訝謂:「仲以為係伯母覺得你靚仔所以要你做歌手?」東東爆笑道:「我細個成個青蛙咁既樣,又瘦又大近視,我鍾意既女仔全部都唔鍾意我,後來阿媽仲幫我電埋個髮,想有女仔鍾意我都難啦!」