奇妙電視《同sing同戲》
鄭融、連詩雅開演唱會 Shiga稱兩人融洽無距離
鄭融和連詩雅亮相奇妙電視「同sing同戲」節目,二人稍後將舉行演唱會,論資排輩,鄭融自是Shiga師姐,當節目主持鍾煒喬笑問鄭融點睇Shiga這個阿妹時,鄭融敏感地大反應說:「咩呀,我地差唔多架喳!」搞到鍾煒喬唯有改口稱二人做「蓮蓉姊妹」。

Shiga不諱言剛入行時,因鄭融已有多首hit歌,故會當她是前輩看待,見面難免緊張,不過相處過後,卻發覺和鄭融毫無距離,她笑道:「以前因為同公司,傾偈話題大都圍繞工作,今次再合作,話題多左,咩都傾得,仲可以傾得好深入,包括彼此既感情生活!」

不說不知,原來她們的共同偶像是張惠妹,鄭融笑道:「唔會有女仔唔鍾意張惠妹囉,佢既歌最能代表女仔心聲!」Shiga也附和道:「佢把聲真係好澎湃,好容易令人感動到喊!」然則她唱歌時是否也會投入到喊?Shiga坦言不會說:「技術上,我喊既話,係唱唔到歌架!」