奇妙電視《放試》
盧海鵬直闖的士台試咪 大姐明扮乘客撐場
小珍被揭假正經 珠珠慘遭粗口問候
一樣米養百樣人,但何謂真正「香港人」?奇妙電視街頭實測節目《放試》由盧海鵬率領趙海珠、林小珍、李尚正、簡采恩及鄺家銘主持,拆解香港人貪小便宜、自私功利及以貌取人等特性……節目將走上街頭,設計多個模擬場景,以隱蔽鏡頭揭露港人真正特質。今天,《放試》於銅鑼灣利景酒店舉行記者會,幾位主持即場被測試人性,試咪專家鵬哥更與化身的士乘客的林建明(大姐明)分享拍攝趣事。

鵬哥直闖的士台試咪 獲大姐明撐場
鵬哥早前在街頭演唱試咪,今日再走入的士台試咪,化身「台哥」,他表示:「的士台通常得『台姐』,好少聽到男人聲,咁我咪去試下,件事本身好認真,做的士台唔係玩玩下。」自言很久沒有與大姐明合作的鵬哥,一與對方見面便火花不斷,二人不停鬥嘴,場面搞笑!大姐明直言特別來撐鵬哥場,「我好耐無拍電視節目啦,今次係畀面鵬哥,佢叫到我一定嚟!而且我平時聽的士台多,但未真係上過的士台,感覺好得意!我扮乘客試鵬哥,點知佢都唔知帶個的士司機去咗邊!」

小珍被揭假正經 珠珠慘遭粗口問候
幾位主持在現場即席被測試人性,盡顯香港人特質。自認貪小便宜的小珍平時予人認真一面,卻在節目中被幕後工作人員反測試,「幕後團隊想測試我係咪假正經,叫咗個男神級大隻仔試我,我哋有個好貼身嘅交流!」她自言與多位主持合作得很開心,拍攝節目後轉數亦變快了。珠珠則憶述拍攝時扮麵檔侍應,更慘被顧客以粗口問候,「我哋要測試下啲人有無耐性,特登落錯哂單同上菜好慢,結果有人用粗口鬧我,真係好大挑戰!」