奇妙電視《吾男吾女》
阿Yu不願公開感情事 避談周永恆拖新歡
劉威煌爆婆媳糾紛 慶幸與太太二人世界
奇妙電視將於今年5月開台,其重點節目《吾男吾女》將會以兩性討論為題,由主持林芊妤(Coffee)、吳日言(Yan)及樓南光以男女的觀點和角度,拆解兩性之間的種種疑難。今天,幾位主持找來趙頌茹(阿Yu)、劉威煌擔任嘉賓,談兩性相處之道。

阿Yu不願公開感情事 避談周永恆拖新歡
阿Yu參與的那集是討論網上放閃的話題,對於放閃這個行為,阿Yu即耍手擰頭,「我唔鍾意公開感情事,永遠都話畀人知係單身,一嚟係為咗保護對方,如果係圈外人更加唔應該承受呢種壓力,二嚟最後有咩事都唔駛解釋咁多。」提到前夫周永恆近日被拍到拖著新歡,阿Yu直言:「呢啲算唔算放閃?其實我無資格管佢做咩,佢同邊個一齊都唔關我事,不過人成熟咗,做咩之前都應該考慮下囡囡感受。」婚後的Yan放閃次數有增無減,不過她指曾因此而與另一半鬧交,「放閃最怕唔靚,有時我哋上載咗合照,大家會怪對方揀咗張自己唔靚、未準備好嘅相。」

劉威煌爆婆媳糾紛 慶幸與太太二人世界
曾分別與岳母及媽媽同住的劉威煌,則會與主持討論婆媳糾紛的問題,他慶幸現時與太太二人世界,「同住好難免有問題,生活習慣始終唔同,可能會為咗少少嘢而有糾紛,最怕係大家都收埋喺心。」問到當年同住時的解決方法,他笑言:「見人講人話,見鬼講鬼話。」Coffee亦大爆阿嫂與媽媽相處有問題,「我見到佢哋不和都好驚,其實佢兩個都無錯,最錯係我阿哥,不過最慘都係佢。」