奇妙電視《身.醫.管》
歐倩怡闊別十年復出拍節目 呼籲勿過份催谷孩子
劉錫賢、李麗珊愛分享網上健康資訊
奇妙電視節目《身.醫.管》由歐倩怡及中醫師蔡梓銘主持,每集有不同主題,由中西醫及相關專家從多角度探討坊間的謬誤迷思,深入淺出地為觀眾帶來多方種療法知識。節目首集找來劉錫賢、李麗珊擔任嘉賓,更一同切燒豬祝願節目拍攝順利。

歐倩怡曾修營養學 獲丈夫支持復出
歐倩怡(Cindy)透露產後一直想復出工作,只是當年孩子尚小,需要加倍照顧。今次獲奇妙電視邀請,眼見節目主題是她最感興趣的健康醫學題材,就二話不說答應了,「其實我曾修讀營養學,只係期間因為大肚,老公想我休息多啲,所以未完成學位就停學。我一直都想再進修,不過老公取笑話投資畀我呢啲中年人讀書,不如畀啲仔女讀仲好!」她坦言如今仔女大了,老公亦可幫忙照顧孩子,終於可以抽時間做自己喜歡的工作,今次為了籌備節目更重新翻閱以前的教科書惡補知識。拍檔中醫師蔡梓銘補充:「與Cindy拍攝可謂中西合璧,佢以營養學角色分析,我以中醫角度去研究,互補不足,非常有火花。」

歐倩怡以過來人呼籲勿過份催谷孩子
對於近日教育局呼籲不應安排幼兒班學生執筆寫字,Cindy表示非常支持:「我都唔贊成小朋友太早學寫字,對佢哋嚟講只係畫公仔,與其要佢不斷抄寫,不如教佢應用。過份催谷小朋友,只會破壞親子關係。」

劉錫賢、李麗珊愛分享網上健康資訊
劉錫賢表示能參與拍攝非常開心:「我平日就最關注健康資訊,經常在社交平台分享秘方。之前有朋友介紹我3個月減20磅的運動方法,我做咗一次就放棄咗,實在太辛苦啦!」李麗珊則笑言自己年紀開始大,病痛又多了,會開始上網搵食療,研究養生方法。