奇妙電視《帶阿媽去旅行》
方健儀首次與母親遊不丹
事前做足準備 高EQ應付媽媽
奇妙電視將於今年5月開台,其重點節目《帶阿媽去旅行》最近進行拍攝。方健儀(Akina)早前與媽媽一同出發不丹拍攝旅遊真人騷,並分享今次與媽媽去旅行的心情。

首次母女遊不丹 對地方感陌生
Akina一向孝順,並不是第一次跟母親去旅行,但今次稍有分別,「同媽咪去過好多地方,例如古巴、法國、日本、內地等,不過未去過不丹。平時通常都係一家人去,今次要我準備哂嘢自己帶阿媽去,感覺好唔同。」對於不丹這個地方,Akina坦言事前對它完全不認識,「我對不丹好陌生,淨係知係一個快樂國度、宗教色彩濃厚嘅地方。」相信這次旅程必可讓Akina大開眼界。

事前做足準備 極高EQ應付媽媽
首次與媽媽單獨去旅行,Akina表示要準備極高EQ,「媽咪不嬲要求好高,時間觀念又重,而且每事問,我一定要好準確咁答到佢任何問題。」除了為媽媽準備禦寒衣物,Akina更預先替媽媽「打底」,務求有個順暢的旅程,「我畀哂心理準備佢,自由行始終需要自己搵路,外國交通唔係香港地鐵咁,可能需要行好多路。」