奇妙電視王牌頭炮《杜汶澤食住上》
杜汶澤首個飲食訪談節目開鏡
認家中裸體煮餸 憶劣食肚痾怕怕
奇妙電視王牌頭炮,由杜汶澤率領盧頌恩(妹頭)及鄺芷凡(Omi)主持,史上最口沒遮欄的飲食綜藝訪談節目。阿澤會繼續發揮「把口唔收」的性格,邊食邊爆娛樂圈秘聞,盡顯杜汶澤敢言、敢做、敢玩的大無畏精神。今日三位為節目主持開鏡禮,一同切燒豬祝願節目拍攝順利。

阿澤學廚為媾女 認家中裸體煮餸
阿澤碌盡人情卡,親自為多位好友下廚,他自言從小已入廚房,「自細學煮嘢食係為媾女,一嚟可以慳錢,二嚟可以氹個女仔上我屋企。」開鏡禮上,首次播出嘉賓好友留給阿澤的俏俏話,薛凱琪更在片段中大爆阿澤喜愛裸體煮餸,阿澤否認是與太太玩角色扮演,他解釋:「喺屋企當然係咁隨便,但拍攝時唔會咁做,話哂都合家歡節目。」他更笑言要向嘉賓們灌酒,務求令他們吐出真言,「如果灌鄭中基酒,我驚唔止爆料咁簡單,不過唔緊要,有咩搵佢太太同囡囡嚟,佢就變得乖哂。」

親嚐奇怪劣食 憶肚痾怕怕
節目設劣食環節,三位主持將親身試食城中劣評如潮的食物。妹頭及Omi在開鏡禮再度挑戰阿澤的肚皮,要他即席品嚐兩道古怪食品,對此阿澤大呻:「依家坊間有好多奇怪嘢食,上次食完個海膽痾咗兩日,真係搵命搏!」兩位美女主持反而不怕劣食環節,而且大讚阿澤手勢:「阿澤煮嘅嘢食真係好花心思,唔係家常便飯咁簡單。佢每次煮完,我哋都係第一手試食,真係好開心!」